कालीमाटीमा आजको तरकारी तथा फलफूलको थोक मूल्य सार्वजनिक (सूचीसहित)

काठमाडौँ, २ मङ्सिर । कालीमाटी फलफूल तथा तरकारी बजार विकास समितिले आज (मङ्गलबार) का लागि कृषि उपजहरूको नयाँ थोक मूल्य निर्धारण गरेको छ । समितिका अनुसार आज अधिकांश तरकारी तथा फलफूलको मूल्यमा सामान्य उतारचढाव देखिएको छ ।

समितिको मूल्यसूचीअनुसार आज गोलभेँडा ठूलो (नेपाली र भारतीय) प्रतिकिलो रु ७०, सानो लोकल गोलभेँडा रु २० तथा टनेल र तराईको सानो गोलभेँडा प्रतिकिलो रु ४० कायम गरिएको छ । यस्तै, आलु रातो (लाम्चो र गोलो) रु ५०, भारतीय रातो आलु रु ३५ र सेतो आलु प्रतिकिलो रु ३० तोकिएको छ । सुकेको भारतीय प्याजको थोक मूल्य प्रतिकिलो रु ९५ पुगेको छ ।

यसैगरी, लोकल गाजर रु ९०, तराई गाजर रु ६०, लोकल बन्दा रु ३०, स्थानीय काउली रु ४० र तराई काउली प्रतिकिलो रु २५ रहेको छ । रातो र सेतो (हाइब्रिड) मूला प्रतिकिलो रु ३०, लाम्चो भन्टा रु ३० र डल्लो भन्टा रु ५० निर्धारण गरिएको छ । तने बोडी रु ९०, मकै बोडी रु ५०, मटरकोसा रु १००, लोकल घिउ सिमी रु ८०, हाइब्रिड घिउ सिमी रु ६०, राजमा सिमी रु १३०, टाटे सिमी रु ७० र भटमास कोसा प्रतिकिलो रु १३० कायम छ ।

अन्य तरकारी तथा सागसब्जीको मूल्य आज तिते करेला रु ९०, लौका रु ७०, लोकल परबर रु ८०, तराई परबर रु १००, चिचिण्डो रु ४०, घिरौँला र झिगुनी रु ७०, पाकेको फर्सी रु ७०, हरियो डल्लो फर्सी रु ३० र भिण्डी प्रतिकिलो रु १३० मा कारोबार भइरहेको छ ।

यस्तै, सखरखण्ड रु ६०, बरेला रु ४०, पिँडालु रु ७०, इस्कुस रु २५, बकुला रु १०० र तरुल प्रतिकिलो रु १०० तोकिएको छ । सागसब्जीतर्फ रायो साग रु ८०, पालुङ्गो रु १२०, चम्सुर, मेथी, जिरी र सौफको साग प्रतिकिलो रु १५० तथा तोरीको साग रु ५० र हरियो प्याज रु २०० कायम गरिएको छ ।

च्याउतर्फ कन्य च्याउ रु २६०, डल्ले च्याउ रु ३६०, राजा च्याउ रु ३०० र सिताके च्याउ प्रतिकिलो रु १,००० निर्धारण गरिएको छ । त्यसैगरी, कुरिलो रु ८००, ब्रोकाउली रु १२०, चुकुन्दर रु ९०, सजीवन रु २५०, रातो बन्दा रु १५०, सेलरी रु ५००, पार्सले रु २,८००, पुदिना रु ७००, गान्टे मूला रु १२०, इमली रु १८०, तामा र तोफु रु १६०, गुन्द्रुक रु ३५० र रुख टमाटर प्रतिकिलो रु १५० तोकिएको छ ।

फलफूल, मसला तथा माछाको मूल्य फलफूलतर्फ आज फूजी स्याउ प्रतिकिलो रु ३५०, जुम्ला स्याउ रु ३०० र मुस्ताङ स्याउ रु २५० कायम गरिएको छ । केरा (नेपाली र मालभोग) प्रतिदर्जन रु १५०, कागती रु ३००, अनार रु ४००, सुन्तला (नेपाली र भारतीय) रु १००, हरियो तरबुजा रु ८०, मौसम र जुनार प्रतिकिलो रु २०० तथा भुइँकटहर प्रतिगोटा रु २०० तोकिएको छ ।

यस्तै, लोकल काँक्रो रु ८०, हाइब्रिड काँक्रो रु ४०, लोकलक्रस काँक्रो रु ७०, निबुवा रु ६०, चाइनिज नासपाती रु ३००, नेपाली मेवा रु ६०, भारतीय मेवा रु १००, अम्बा रु २००, लप्सी रु ८०, स्ट्रबेरी रु ५००, किबी रु ३००, सरिफा रु २००, आभोकाडो रु ३००, अमला रु ८० र नेपाली ड्रागन फ्रुट प्रतिकिलो रु ५०० निर्धारण गरिएको छ । काँचो नरिवल रु ८० र हरियो नरिवल रु २०० रहेको छ ।

मसलाजन्य उपजमा अदुवा प्रतिकिलो रु ९०, सुकेको खुर्सानी रु ५५०, हरियो लाम्चो खुर्सानी रु ८०, बुलेट र माछे खुर्सानी रु १२०, अकबरे खुर्सानी रु २०० तथा भेडे खुर्सानी प्रतिकिलो रु १०० तोकिएको छ । हरियो लसुन रु २००, हरियो धनियाँ रु १००, सुकेको लसुन (नेपाली र चाइनिज) रु २६० तथा हरियो र सुकेको छ्यापी प्रतिकिलो रु २०० कायम छ ।

माछातर्फ सुकेको माछा प्रतिकिलो रु १,०००, ताजा रहु माछा रु ३७०, बचुवा रु ३३० र छडी माछा प्रतिकिलो रु ३५० निर्धारण गरिएको समितिले जनाएको छ ।

Leave a Reply

Your email address will not be published. Required fields are marked *