एमाले स्थायी कमिटी बैठक सुरु, यस्ता छन् एजेन्डा (पाँच तस्बिरसहित)
काठमाडौं, १ मंसिर । नेकपा (एमाले) स्थायी कमिटीको दोस्रो बैठक सुरु भएको छ । भोलिदेखि सुरु हुने राष्ट्रिय भेलाको पूर्व सन्ध्यामा पार्टीले आज स्थायी कमिटी बैठक बोलाएको हो ।
पार्टीका प्रचार तथा प्रकाशन विभाग प्रमुख निरज आचार्यका अनुसार बैठक पार्टी केन्द्रीय कार्यालय च्यासलमा बसिरहेको छ ।
बैठकले भोलिदेखि सुरु हुने राष्ट्रिय कार्यकर्ता भेलाका एजेन्डा अनुमोदन गर्नेछ। त्यसैगरी, मंसिर ५ गते बस्ने केन्द्रीय कमिटी बैठकका एजेन्डा चयन गर्नुका साथै समसामयिक राजनीतिक विषयमा पार्टीको धारणा तय गर्ने कार्यक्रम रहेको आचार्यले जानकारी दिएका छन्।

